Tímabundin vöntun á mygluostum

Vegna galla í nýjum framleiðslubúnaði, sem kom í ljós eftir uppsetningu í starfsstöð Mjólkursamsölunnar í Búðardal, hefur verið ákveðið að stöðva sölu á þeim mygluostum (utan gráðaosts) sem þar voru framleiddir í september og hefðu átt að fara út á markaðinn í október. Okkur hjá MS þykir þetta miður en þetta leiðir til tímabundinnar vöntunar á mygluostum frá fyrirtækinu. Framleiðsla á mygluostum er hafin á ný eftir viðgerð á framleiðslutækjunum en ostagerð er langtímaferli og þurfa ostarnir tíma til að þroskast áður en þeir verða söluhæfir. Neytendur mega því eiga von á mygluostunum í verslanir á næstu vikum.

Ítrekað skal að þetta hefur ekki áhrif á gráðaostinn, nóg er til af honum.